Busturialdeko Hitza

XIV. Arrain Azokaren «balorazio oso ona» egin du Bego Gangoiti azokaren koordinatzaileak. Saltzaileak ere pozik agertu direla adierazi du, Arrain Azoka Elkarteak burutu duen inkestaren bitartez azokan izan diren saltzaileek jakitera eman dutenez.
Saltzaileek inkestetan salmenta aldetik iazko antzera ibili direla adierazi dute eta orokorrean pozik daudela izandako salmentekin.
Hala ere, oraindik ez dute datu zehatzik, oraindik Arrain Azoka Elkartekoak batzeko itxaroten daude eta datu zehatzagoak orduan emango dituzte jakitera.
Gangoitik bai esan du, «produktu berriek harrera ona izan dute»-la. «Bisitari asko produktu berriez interesatuta izan dira».
Hiru eguneko azoka izanik, hainbat bisitari pasatu dira. Barikuan jende nahikoa izan bazen ere zapatuan eta domekan jende gehiago izan zela adierazi du azokaren koordinatzaileak. «Nahiz eta eguraldiak behar moduan lagundu ez, bisitari aldetik polito egon da orokorrean hiru egunetan zehar».
Bisitarien artean batez ere bizkaitarrak izan dira, baina Gipuzkoa eta Alemaniatik etorritako jende ugari ere izan zen.
Bestalde, azokaren baitan antolatutako ekimenei dagokienez, «aurreko urteko moduko parte-hartzea izan da. Momentu batzuetan eguraldiak jendea azokatik beste leku batzuetara mugitzea ekarri du, esaterako, Juan de la Cosa ospitale-ontzia bisitatzera edota arrain salmenta itxurak ikustera». Ekimen arrakastatsuenen artean, barikuan arrain salmenta itxurak izan dira barikuan. Eta zapatuan eta domekan, Juan de la Cosa ospitale-ontzira bisitak.
Aste honetan balorazio zehatzago bat egingo dute, urtero Arrain Azoka hobeago bat antolatzeko asmoz. Printzipioz gustura daude hiru egunetan jendearen aldetik izan duen harreragaz.