Gune itxien beharra sumatzen dute Bermeoko herritarrek

2012/02/13
Gizartea, Hirigintza, Politika
Nork

Bermeoko Udalak parte-hartze prozesua hasi zuen duela zenbait hilabete, etorkizuneko Bermeo marrazte aldera. Prozesua martxan jarri, eta 2011ko abenduaren 16an egin zuten lehenengo batzarra, Kafe Antzokian. Prozesuaren barri emoteaz gain, herritarrek herriaren inguruan dituzten iritziak jaso zituzten batzarrean. Jasotakoaren barri emotean, herritarrek gune itxien beharra sumatzen dutela nabarmendu du Udalak.

Azaldu dutenez, abenduaren 16an 180 lagun hurreratu ziren Bermeoko Kafe Antzokira, Zer behar dugu Bermeon? eta Zer du ona Bermeok? galdereei erantzuna emonez. Hormako paretetan txarteltxoak jarri zituzten herritarrek; guztira, 839 erantzun jaso zituzten.

Zehazki, Zer behar dugu Bermeon? galderaren 601 erantzun jaso zituzten, baina beste hainbat gaiz be jardun ziren herritarrak Kafe Antzokian; hala nola, ekonomia-lan munduaz, garbitasunaz, kulturaz, gazteez, turismoaz, hirugarren adinaz, txakurrez, emakumeez, ingurumenaz, euskaraz, etorkinez eta osasunaz.
Gehienak, hirigintza arlokoak
Gehiengoak hirigintza alorrean ikusten ditu gabeziak; aipatu bezala, gune zarratuen beharra ikusten dute, esaterako. Alde zaharra txukundu eta bizitu behar dela be uste dute askok.

Udalaren inguruko hainbat erantzun be batu zituzten egun horretan. Besteak beste, Udaltzaingoaren zerbitzua hobetu beharko litzatekeela, isunak kontrolatu beharko liratekeela eta udaltzain gehiago behar direla uste dute herritarrek. Horrez gain, udalean diruaren erabilera egokia egin beharko litzatekeela uste dute: soldatek baxuagoak beharko luketela izan, gastuen kontrola areagotu beharko litzatekeela…

Bildutako iritzien arabera,  aparkaleku gehiagoren beharra sumatzen dela be ikus daiteke; lurrazpikoak, kalean, Lameran, Batzoki azpian…

Bestalde, Zer du ona Bermeok? galderak erantzun gutxiago izan zituen; guztira, 238. Erantzun horien arabera, herritarrak eta herria bera du ona Bermeok, herri zabala, alaia eta jendetsua dela uste baitute erantzuna emon dutenek. Gainera, ingurune pribilegiatua duela uste dute. Bermeoko kultura aberasgarria dela uste duenik be izan zen Kafe Antzokian: kultur elkarteak, eraikinak, kultura alternatiboa…

Datu horiek guztiak aurkezteko bigarren batzar baterako deia egin du udalak. Abenduaren 17an bilduko dira Kafe Antzokian, 20:00etan. Batzar horretara joatera animatu dituzte herritarrak zein udaleko teknikariak eta zinegotziak.

Bizkaiko Ostalaritza Gida

Bilatu zure inguruko sagardotegia



Berriketan.info [RSS]

  • Abatarra

    Goierri Mendebaldeko Hitza-(e)k beste sarrera bat idatzi du Jose Antonio Munduateren kartzela zigorra zazpi urtetik bost urtera jaitsi du fiskalak gunean   duela 10 minutu · Ikusi

    Espainiako Auzitegi Nazionalean eginiko bost auzi saioetan ez da frogatu hamahiru auzipetuen eta ETAren arteko loturarik zegoenik. Hala uste du, behintzat, hamahiru auzipetuen defentsak. Frogatuta geratu den egitate bakarra izan da auzipetuen lan politikoari «jazarri» dietela. Hala salatu du Jone Goirizelaia abokatuak. «Akusazioak erabili duen arrazoibideari jarraituz, ehunka euskal herritar egon beharko lirateke hemen eserita»,


  • Abatarra

    boga-(e)k beste sarrera bat idatzi du Gizako piramideak hiru dimentsiotan, etxetik mugitu gabe gunean   duela 10 minutu · Ikusi

    Koadro txikiaEdozein arrazoigatik bidaiatu ezin dutenek, euren ametsetako tokiak bisitatzeko gero eta aukera gehiago dituzte sarean. Azkeneko halako erremintetako bat Dassault Systemes Frantziako enpresak, Bostongo (AEB) Arte Ederretako museoaren laguntzarekin egin du. Interesa dutenek, Egiptoko Giza eremuko piramideak bisita ditzakete (giza3d.3ds.com/#discover). Enpresaren arabera, nahikoa da ordenagailu arrunta izatea, baina beharrezkoa da 3D monitorea.


  • Abatarra

    Amaia Ventas-(e)k beste sarrera bat idatzi du EAJko ordezkariek Bilduk atez atekoa ezarriko duen argitzeko eskatu dute gunean   duela 17 minutu · Ikusi

    Koadro txikia EAJko kostako ordezkariek Getarian, Orion, Zarautzen eta Zumaian Bilduk atez atekoa ezarriko duen ala ez argitzeko eskatu dute. Aian ez dutela jarriko aurreratu du Aiako alkate Igor Iturainek (EAJ). Pasa den astean, aipatu herrietako alkateek (Bildu) eta Urola Kostako Udal Elkarteko lehendakari Amaia Guruzetak (Bildu) birziklatzearen alde lanean jarraitzeko konpromisoa hartu zuten, agerraldi publiko [...]


  • Abatarra

    Oarso Bidasoko Hitza-(e)k beste sarrera bat idatzi du Pasaiako Udaleko langileek eta LABek bat egin dute Goazen Plazara ekimenarekin gunean   duela 22 minutu · Ikusi

    Koadro txikia Herrira presoen eta iheslarien eskubideen aldeko mugimenduak deituta, Goazen Plazara ekimena egingo dute bihar Euskal Herriko nahiz Oarso Bidasoko herrietan. Horren harira, Pasaiako Udaleko 25 langilek bat egin zuten atzo ekimenarekin, eta udaletxe aurrean egindako elkarretaratzean herritarrei batzeko eskatu zieten. Bestalde, Oarso Bidasoko LABek ere bat egin du biharko ekimen erraldoiarekin. Sindikatuak eskualdeko langileei ekimenean [...]


  • Abatarra

    boga-(e)k beste sarrera bat idatzi du Manuela (Iritzia: Oihana Etxebarrieta) gunean   duela 26 minutu · Ikusi

    Manuela 33 urteko emakumea da, El Salvadorrekoa. Bere hirugarren semeaz haurdun zegoelarik, haren sendiak ospitalera eraman behar izan zuen baginako odol-isurketa gogor bat sufritu ondoren, konorterik gabe. Ospitalean, bertako langileek abortu probokatua izan balu bezala tratatu zuten Manuela hasieratik, bere buruari hori egin izan balio bezala. Ospitalera sartu bezain pronto, medikuek Manuela salatu egin zuten